නව දන්ත වෛද්‍ය පත්වීම් කඩිනමින්

නව දන්ත ශල්‍ය වෛද්‍ය පත්වීම් සඳහා අනුමතිය කඩිනමින් ලැබෙනු ඇතැයි සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සඳහන් කළේය.

එසේම පත්වීම ප්‍රමාද වීම හේතුවෙන් දැනට දුෂ්කර සේවයේ නිරත දන්ත ශල්‍ය වෛද්‍යවරුන් මුහුණපාන ගැටලු පිළිබඳ අවධානය යොමු කර පත්වීම් කඩිනම් කිරීමේ කටයුතු පිළිබඳව ක්‍රියා කරන ලෙස අමාත්‍යවරයා නිලධාරීන්ට උපදෙස් දී ඇත.

ඔහු වැඩිදුරටත් සඳහන් කර සිටියේ වැටුප් ගැටලුව විසඳීම සඳහා මුදල් අමාත්‍යාංශයට යෝජනාවක් ඉදිරිපත් කිරීමට ද කටයුතු කරන බවයි.